நான்கு பெண்களை ஏமாற்றி திருமணம் செய்த பொறியாளரை கைது செய்து, குடும்பத்தாரிடம் காவல் துறையினர் விசாரணை நடத்தி வருகின்றனர்.
பொறியாளர் வினோத் ராஜ்குமார் சென்னையைச் சேர்ந்தவர். தனது தந்தை, சகோதரிகள் என சுமார் 10 உறவினர்களுடன் சேர்ந்து ஏற்கனவே மேட்ரிமோனியல் இணையதளங்கள் மூலம் இரண்டு பெண்களை ஏமாற்றி திருமணம் செய்துள்ள வினோத் ராஜ்குமார், கல்யாண மன்னனாக மாறியுள்ளார்.
இந்நிலையில் கணவரால் கைவிடப்பட்டு விவாகரத்து பெற்ற தூத்துக்குடியை சேர்ந்த மூன்றாவது பெண் இணையம் மூலம் திருமணம் செய்துள்ளார். இவர்களுக்கு ஒரு குழந்தையும் உள்ளது.
இந்நிலையில், தூத்துக்குடியை சேர்ந்த பெண் கல்யாண மன்னன் வினோத் ராஜ்குமார் மற்றும் அவரது குடும்பத்தினர் தன்னை போல் இரண்டு பெண்களை ஏற்கனவே திருமணம் செய்து கொண்டு தற்போது சென்னை பொதுப்பணித்துறையில் பணிபுரியும் பெண்ணை நான்காவதாக திருமணம் செய்திருப்பது தெரிய வந்துள்ளது. வினோத் ராஜ்குமாரின் திருமண லீலாக்களை பார்த்து அதிர்ச்சி அடைந்த சிறுமி.
தூத்துக்குடியை சேர்ந்த பாதிக்கப்பட்ட பெண் வினோத் ராஜ்குமாரிடம் ஏன் தன்னை ஏமாற்றி திருமணம் செய்தாய் என்று கேட்டுள்ளார். பெண்கள் தொடர்பை துண்டித்துவிட்டு தன்னுடன் வாழ வேண்டும் என்றும் வலியுறுத்தியுள்ளார். ஆனால் அவர் அதை ஏற்கவில்லை என்று கூறப்படுகிறது. மேலும் அந்த பெண்ணை வரதட்சணை கேட்டு கொடுமைப்படுத்தியதாக கூறப்படுகிறது.
இதையடுத்து, பாதிக்கப்பட்ட பெண் வினோத் ராஜ்குமார் மீது தூத்துக்குடி அனைத்து மகளிர் காவல் நிலையத்தில் வரதட்சணை கொடுமை மற்றும் மோசடி ஆகிய பிரிவுகளின் கீழ் புகார் அளித்தார். இந்தப் புகார் தொடர்பான விசாரணைக்காக அனைத்து மகளிர் காவல் துறையினரால் பலமுறை தொடர்பு கொண்ட வினோத் ராஜ்குமார் ஆஜராகாமல் சென்னை உயர் நீதிமன்ற மதுரைக் கிளையில் ஜாமீன் மனு தாக்கல் செய்தார்.
இந்த மனு நிராகரிக்கப்பட்ட நிலையில், தூத்துக்குடி மாவட்ட காவல் கண்காணிப்பாளர் பாலாஜி சரவணன் உத்தரவின் பேரில் சிறப்புக் காவல் துறையினர் தூத்துக்குடியில் இருந்து சென்னை சென்று பதுங்கியிருந்த வினோத் ராஜ்குமாரை கைது செய்தனர்.
போலீசார் நடத்திய விசாரணையில், தனது குடும்பத்தினர் 10 பேருடன் சேர்ந்து 4 பெண்களிடம் இவ்வாறு ஏமாற்றியதை ஒப்புக்கொண்டார். இதையடுத்து வினோத் ராஜ்குமார் பேரூரணி சிறையில் அடைக்கப்பட்டார்.
